Annanze all'anema

E’ muorte!
Assetete te prego, o’ tiempo ‘e ngannà sta morte
e credere ca forse stu silenzio nun è ‘o presente
o’ mmarcie, a favola spezzata
e chi pe na vita sana – e pure mò –
sta cercanne tutto chello ca nun è, ca nun pò essere
c’appartene all’ate
e abbruce, tutta sta realtà fa male
comme quanne pe strade me guardo attuorno
e me sento nu straniero.

Stasera quanta uocchie d’argiento tene chistu cielo!

Anema mia comme è difficile vivere
quanno ‘e suogne ‘e nu creature
addivenene all’intrasatta tutta chesta verità,
quanno ‘o silenzio dice cchiù cose ‘e na parola,
quanno ‘a morte vò significà arrecogliere
jastemmà pe tutte cose

e continuà a cumbattere!