SAN NICANDRO: ARET 'A CUPA

Cose che dicono niente

San Nicandro: “Areta ’a cupa”

Chistu vico?
Me l’aggia fatto ‘e tutte ’e manere:
drogato, nnammurate, friddo,
assetato, acciso, stanco ’e fatica,
ca merda n’culo
e ansiuso e sole, e vita

ansiuso ca ‘sta sfaccimma dda gente
chiù ampresse adda murì!

O’ sciato c’aggia iettate n’cielo,
a pisciazza n’facce’ e mmure
e sputazzate n’terra
e mazzate che cumpagne

e cumpagne ca so muorte
primma ca matina sagliessa n’ganne!

E paravis ’e fummo
e piste ’e gesso
a malincunia d’essere omme
quanno sta capa sballata aizave n’cielo,
quanno sti stelle m’aggiravene dint’ a l’uocchie
quanno’ o’ turmiento d’essere omme
me pesava dint ‘e palle!

Saglie,
cammina pure tu pe’ sta cupa’ antica,
pe sti mure sfrantumate
ca se spognene ‘e resate, e omicidie;

adduorme ’o pensiero quanno o’ cielo chiagne
dignenno ‘a via ‘e chianto
allagann cu nu ciummo niro
chesta via
e tutti quanti!

Nun cerco rime
nun trove pace “aret ’a cupa”
c’ancore suspira
è viva
e tegne ‘e mistero stu rione
c’aspetta ancora sta furtuna
ca nun vene!